اسباب خلاف البنت مع والدتها

بسم الله الرحمن الرحيم


اتمنى ان يعجبكم موضوعى وهو عن اهم اسباب خلاف البنت ووالدتها


من اسباب خلافات الام والابنة هى:
1:العند فالبنت سعات كتير بتعاند امها فى حاجات كتير وده ممكن يكون بيزعلها وبيضايقها


2:الرد السريع البنت سعات بترد بسرعه جدا ومش بتعطى لامها فرصه تكمل كلامها وده برضه سبب يزعل


3:عدم الصراحه ممكن لو صارحتى امك بكل اللى فى حياتك تنصحك وتفيدك وتشعر بيكى لانها ام ولانها كمان عاشت نفس مراحل حياتك


4:بناء فكره غير صحيحه مثلا كل بنت من البنات جواها شئ مضايقها بيبقى نفسها تحكى لاى حد طب ليه ماتحكيش لممتك لان البنت اخدت فكره ان الام علشان اكبر وانضج فكرا فهى قاسيه بالعكس الام نبع حنان ورقه وهاتسمعك وتساعدك


5:الشعور بالغيره بس بيقى ممكن الشعور ده من نحية اخواتك بس ده من الاشياء اللى ممكن تخلى الام تجيلها حاله نفسيه وتتعب لانها جابت لاختك النهارده هاتجبلك بكره بس انتى كده لو غرتى وتضايقتى بتحسسيها بالخجل من نفسها طب ليه وانتى عارفه ان عمر الام ماتعز شئ عن اولادها


6:عدم المناقشه انتى لما تبقى متضايقه من شئ غلط ليكى ممتك عملته ليه مش توجيهها بكل صراحه واحترام وهى هاتفهمك وتقدرك لانك لو ماقولتليهاش فى سببين


الاول:هى هتتمادى فى نفس العمل ده لانها متعرفش انها كده ضيقتك


التانى:هو انها هاتشعر انها تعبانه لتعبك وهى اللى هتواجهك وهتسالك مالك


واتمنى ان الموضوع يعجبكم وان كل بنت تلتزم الوضوح والصراحه والاحترام مع والدتها

موضوع جميل
استمرى

مع انى عارف ان ممكن تكونى اول واحده عايزة تطبقى الموضوع ده على نفسها
بس مش هقولك غير كلمه واحده
استمرررررررررررررررررررى
هههههههههههه على راى منال