المراية

قلت ابص فى المرايا
يمكن اكون احلويت
فضلت داير ابص
مخليتش ولا مرايا فى البيت
فى الحمام فى الاوضه فى دولاب
او متعلق عالحيط
شفت..
سكت شويه......
بعدين اتخضيت
معقول انا قضيت العمر ده كله
زى مارحت زى ماجيت
معقول انا عمرى مافكرت؟
ولا اتغيرت ولا حبيت؟
وازاى ساكت على روحى ده كله؟
وليه استنيت ؟
ياريتنى ما كان عندى مرايا
وياريتنى ما بصيت

انت فهمت انا عاوزة اوصلك ايه من دى
انا اقصد ان الواحد ممكن يقضى عمرة كله لا يحب ولا يحس بحد
وفجأة يضيع منه عمره كده ويبص فى المرايا يلاقى نفسه فجأة كبر ويستعيد ذكرياته يلاقى فسه معملش اى حاجه
انا اتمنى انى ما اعيشي حياتى كده
وانت كمان يا سمسم
ياريت اوعى تضيع حياتك كده
وبعدين عندى استفسار صغير
هو مين عبدالباسط حموده ده؟

بس ده كلامى انا مش كلام اغنية لحد
ما اعتقدش انه ممكن يحصل صدفة وانى اكتب قصيدة فى واحد بيغنيها
عالعموم حصل خير بردو الفكرة واحده ومدام وصل الهدف والفكرة يبقى مش مهم مين ال غنى او مين ال كتب