الضريبه من اشعاااااار على سلامه بجد روعه

الضَرَيبة

مش غريبة ..
ندفع الأوجاع ضريبة ..
قَسَّمى الأحزان شرايح ..
عبَّى دمعى ف الصفايح ..
واسألى عمرى اللى رايح ..
المصيبة
لسة شايلك فى العيون أجمل حبيبة ..
قولى كذبة ..
حُبى ليكى يبقى حسبة ..
والأمانى والهوا ..
والشوق بنسبة ..
وإنتى عزبة ..
للى مالُه فيكى حِسبة ..
المُصيبة ..
لِسة شايلك فى العيون ..
أجمل حبيبة ..
مين اللى قرر ..
يقتل الحلم .. فى عيون كُل الطيور ..
ليه تسلَّمينى ..
من طابور .. تانى لطابور ..
قَيَدّى البخور ..
بركات جراحنا المزمنة ..
كل الأمانى الممكنة ..
تبقى يادوبك دمعتين ..
فوق صورة باهتة ملونة ..
سايبة الجراح ليه تهدنى ..
إيه فيكى تانى يشدنى ..
ده أنا اللى حُبى عززك ..
وإنتى اللى عشقك ذلَّنى ..
لسه ياهبلة بتسألى ..
بتحبنى ..
نفسى اشترى ..
شبرين فى حضنك وارتوى ..
فكرك مسافر أغتنى ..
خدى اللى حيلتى ..
الهدمتين والقرشينات ..
بس استُرى عرض البنات ..
لو حسينا على دمنا ..فى قلوبنا مات ..
لو بكرة فات ..
وإحنا بياكلنا السُكات ..
كُل الأمانى الممكنة ..
تبقى يادوبك دمعتين ..
فوق صورة باهتة ملونة ..

الله
دى جميله اوى
يا اروع شبراوى
طلع طلع مواهبك المدفونه

اى خدمه على شان تعرفوا بس انا مش اى اى ولا زى زى
هههههههههههههههه

تسلمى يا مريم على مرورك الروعه

» مش دى بطاقتى ولا دى رقمى القومى من بعض اشعار على سلامه
» صنادل روعه ادخلوا واحكموا