مش دى بطاقتى ولا دى رقمى القومى من بعض اشعار على سلامه

مش دى .. بطاقتى
وده .. رقمى القومى
ودى .. الحقيقة ..
وده الخيال ....
ومش دي الخريطة ..
ودي المدينة ..
وده المحور ..
وده المترو ..
وكده يمين .. وكده شمال ..
مش ده ظابط .. وده عسكرى ..
وده طبيب .. وده كمسرى ..
وده منجد .. وده بقال ..
مش ده جامع .. ودى مدرسة
وده بيت دعارة ..
وده سمسار ..
وده شيال .....
مش ده فستان .. ودى جلابيه
وده شورت .. وده مفيش ..
وده شال ....
مش ده اتوبيس .. ودى عجلة
ودول حمير ....
ودولا جمال .....
مش ده عمى .. ودى أختى
و دول صحابى ..
وده كمال ....
مش ده شارعنا .. وده بيتنا ..
ودى مراتى ..
ودولا العيال ...
مش ده الوطن .. وده المواطن ...
وده التاريخ .. اللى إتقال ...
أمال ليه .. كل ما اروح فى حته
و أسأل سوأل ....
يقولولي .. جايز ... يمكن .... إحتمال

رائع
رائع
رائع
عنده حق بجد
تسلم ايدك والى الامام

تسلمى يا مريم على مرورك الروعه
بجد بجد بجد والله نورتى كل موضوع كتبته انهارده وفى اى وقت هتفضلى منورانى

دا نورك
انت تستحق اكتر من كده

تسلمى يارب يا مريم العمر كده
دا من ذوقك بس يا قمر

موضوعك جميل ياشبراوى
كلامك حلو اوى
تسلم ايدك

موضوع رائع
وجميل كلام على سلامه
للامام دايما ياشبراوى

مشكورين جميعا على مروركم والله نورتونى بجد

» الضريبه من اشعاااااار على سلامه بجد روعه